Қазақ жігіті атақты өзбек боксшысын сабады
Ташкентте этникалық қазақ боксшысы Мадияр Саидрахымов Өзбекстан чемпионатында Шохжахон Абдуллаевпен жұдырықтасты.
Саидрахымов пен Абдуллаев 92 келіге дейін салмақ дәрежесінде жартылай финалда кездесті. Төрешілер 4:1 есебімен жеңісті Саидрахымовке берді. Мадияр турнирдің финалына шығып енді "алтын" үшін таласады. Ал Абдуллаев жарысты аяқтап қола медаль місе тұтты.
Мадияр Саидрахымов 2021 жылғы әлем чемпионатының қола жүлдегері, 2022 жылғы Азия чемпионатының күміс жүлдегері және 2019 жылы Бүкіләлемдік әскери ойындардың жеңімпазы саналады. Ал қарсыласына келер болсақ, Шокжахон Абдуллаев жастар арасындағы әлем чемпионатының қола медаль иегері, 22 жасқа дейінгі боксшылар арасында Азия чемпионы (2023) және жастар арасындағы Азия чемпионы (2019) болып саналады.