Әлем чемпионы атанған өзбекстандық қазақ финалға шықты
27.01.2025, 18:14
Ташкентте бокстан ерлер арасында Өзбекстан чемпионаты жалғасып жатыр.
vesti.kz
Бүгін жартылай финалдық кездесулер өтіп жатыр. 63.5 келіге дейін салмақ дәрежесінде финалға берілер жолдаманы 2023 жылдың әлем чемпионы Руслан Абдуллаев пен Дильшод Абдумуродов сарапқа салды.
Былтыр Абдумуродов 60 келіде Elorda cup турнирінде топ жарған. Бірақ Азия чемпионатында қазақстандық Бейбарыс Жексенге жеңіліп қалды. Этникалық қазақ Абдуллаев болса Париж олимпиадасының ширек финалына дейін жете алды.
Қос боксшы арасындағы жұдырықтасу үш раундқа созылды. Төрешілердің бірауызды шешімімен Абдуллаев ақтық кезеңге өтті.