Қазақ боксшысы Өзбекстан чемпионатының алтын жүлдесіне таласады
Ташкентте бокстан Өзбекстан чемпионаты жалғасып жатыр.
60 келіге дейін салмақ дәрежесінде финалдық жолдаманы Асадбек Раджабов пен этникалық қазақ Мадияр Данияров сарапқа салды. Жекпе-жек барысында Мадиярдың қасы жарылғанымен дәл соққылар жасау арқасында төрешілердің бөлек шешімімен жеңіске жете алды.
Еске сала кетсек, Өзбекстан чемпионатына қатысуға өтінім бергендер арасында он бес этникалық қазақ бар: Саят Ілиясов, Сабыржан Тастанов, Арман Маханов, Қазыбек Есенгеллиев, Ғанибек Мұратқасымов, Машрап Әбдіқайым, Асылхан Анарбаев, Мадияр Данияров, Айдос Тағайбаев, Амантай Шаланов, Иманғали Жайлауов, Сүндет Мұратов, Нұрислам Абдуллаев, Мадияр Сайдрахимов және Руслан Абдуллаев. Соңғы екеуі Өзбекстан құрамасының мүшелері. Абдуллаев — әлем чемпионы, ал Сайдрахимов — әлем біріншілігінің жүлдегері.