Бекман Сойлыбаев чемпиондық атаққа таласады
27.01.2025, 12:32
Қазақстандық кәсіпқой боксшы Бекман Сойлыбаевтың кезекті жекпе-жегіне қатысты ақпарат пайда болды.
vesti.kz
Бекман 23 ақпанда Ақтаудағы бокс кешіне қатысады. Қарсыласы - Танзания елінің өкілі Абейд Зуго. Зуго бүгінге дейін 15 кездесу өткізіп, бәрінде жеңіске жеткен. 13-ін уақытынан бұрын аяқтаған. Соның арқасында кәсіпқой боксшылар арасында Африка чемпионы. Ал,бүкіләлемдік Boxrec рейтингінде 54-ші орында тұр.
Бекманның көрсеткіші болса, 20 жекпе-жек, 19 жеңіс. Оның 10-ын нокаутпен ұтты.
Жерлесіміз бүгінге дейін әртүрлі деңгейдегі титулдарды жеңіп алды. Бекман мен Абейд екінші жеңіл салмақта жұдырықтасады. Кездесу 12 раундқа созылады. Жеңіске жеткен тарап UBO нұсқасы бойынша әлем чемпионы атанады.