Ұлттық құраманың бас бапкері қызметінен кетті
Бұл туралы федерацияның бас хатшысы Димаш Сұлтанов мәлімдеді.
Қазақстан құрамасының бас бапкері Юрий Мельниченко қызметінен кетті. Бұл туралы Sportbugin.kz тілшісіне арнайы сұхбат берген федерацияның бас хатшысы Димаш Сұлтанов мәлімдеді.
"Грек-рим күресінен ұлттық құраманың бас бапкері Юрий Мельниченко 2024 жылдың аяғында өз лауазымынан бас тартқысы келетінін айтты. Бірақ, көп ұзамай ұлттық құрамаға кеңесші-бапкер ретінде қызмет көрсетуге дайын екенін жеткізді. Қазіргі таңда ұлттық құраманың тізгінін кімге тапсыру мәселесін Федерация мен Туризм және спорт министрлігі бірлесе талқылауда", — деді Сұлтанов.
Еске сала кетейік, Юрий Мельниченко Париж Олимпиадасының қарсаңында команда тізгінін қолға алған болатын.
Париж Олимпиадасында қазақстандық "классик" Демеу Жадыраев күміс жүлдегер атанды.