UFC чемпионы Джастин Гэтжи ресейлік қарсыласты таңдады
Америкалық UFC чемпионы Джастин Гэтжи ресейлік Ислам Махачевпен жекпе-жек өткізгісі келетінін мәлімдеді.
Гэтжи бұрынғы қарсыласы Хабиб Нурмагомедовпен болған кездесуін еске алды.
2020 жылдың қазан айында Нурмагомедов UFC 254 турнирінде Гэтжиді тұншықтыру әдісімен жеңіп, жеңіл салмақтағы чемпиондық белбеуін қорғағаннан кейін мансабын аяқтағанын жариялады.
“Мен Махачевпен жекпе-жек өткізгім келеді. Ол чемпион. Менің ойымша, ол маған Хабибке қарағанда ыңғайлы қарсылас. Хабибке келетін болсақ, сол кеште жақсырақ өнер көрсетсем де, оны жеңе алар ма едім, білмеймін. Ол менің мансабымдағы ең қиын қарсыласым болды”, – деді Гэтжи bjpenn.com-ға берген сұхбатында.
Ислам Махачев бұл шақыруға жауап беріп, Гэтжидің әлі титулдық жекпе-жекке лайық емес екенін және оның алдағы жекпе-жегінің нәтижесіне байланысты болатынын айтты. Егер ол жақсы өнер көрсетсе, мүмкіндігі болуы мүмкін. Махачев сондай-ақ басқа салмақ дәрежесіне ауысу туралы да ойы бар екенін жеткізді.
Айта кетейік, Гэтжи 8 наурызда АҚШ-та өтетін UFC 313 турнирінде Дэн Хукермен кездеседі.