Қазақстан vs Ресей: ММА кешіндегі басты жекпе-жек нокаутпен аяқталды (ВИДЕО)
21.02.2025, 07:28
Қостанайда өткен Naiza 71 кешінің басты жекпе-жегі Қазақстан мен Ресей спортшылары арасында өтті.
sportplustv.kz
Қазақстандық файтер Темірлан Саралапов ресейлік Иван Даниловпен кездесіп, бірінші раундта техникалық нокаутпен жеңіске жетті. Осылайша Темірлан кәсіби мансабындағы жетінші жеңісіне қол жеткізіп, жеңіліссіз сериясын сақтап қалды. Ал Иван Данилов үшін бұл оның үшінші жеңілісі болды. Оның еншісінде жеті жеңіс бар.
Титулдық белбеуден айырылған мүмкіндік
Айта кету керек, турнир алдында Темірлан Саралапов салмақ шегінен 1100 грамм артық салмақ көрсетіп, титулдық жекпе-жекке қатысу мүмкіндігінен айырылды. Naiza лигасының ережелеріне сәйкес, бұл оның жеңіл салмақтағы чемпиондық белбеу үшін күресу мүмкіндігін жойды.
Саралаповтың келесі жекпе-жегі қашан және қайда өтетіні әзірге белгісіз.