Чемпиондық титул: Шавкат Рахмоновқа қатысқы жағымды жаңалық айтылды
Танымал инсайдер Марсель Дорфф Шавкат Рахмоновтың UFC чемпиондық белбеуі үшін келесі үміткер екеніне сенімді.
Танымал MMA инсайдері, Eurosport Nederland журналисі және Tapology.com редакторы Марсель Дорфф Шавкат Рахмоновтың UFC титулдық жекпе-жегіне шығу мүмкіндігі туралы пікір білдірді. Бұл туралы ол Sports.kz порталына берген сұхбатында айтты.
Шавкат Рахмонов – UFC чемпионы атағына басты үміткер
"100 пайыз сенімді түрде айта аламын. UFC президенті Дана Уайттың өзі Шавкат толықтай қалпына келген соң, чемпиондық жекпе-жекке басты үміткер болатынын мәлімдеді", – деді Дорфф.
Титулдық жекпе-жек кейінге шегерілді
Шавкат Рахмоновтың қазіргі UFC чемпионы Белал Мұхаммадпен жекпе-жек өткізуі күтілген еді. Алайда қазақстандық файтер жарақатына байланысты жекпе-жекке шыға алмайды.
Оның орнына австралиялық Джек Делла Маддалена титулдық жекпе-жекке қатысып, 10 мамыр күні Монреалда өтетін UFC 315 турнирінде Белал Мухаммадпен кездеседі.