Қазақстан – Өзбекстан айқасы ауыр нокаутпен аяқталды (ВИДЕО)
28.02.2025, 21:00
Астанадағы кәсіпқой бокс кешінде қазақстандық Бауыржан Бекмұрзаев (5-0, 4 КО) пен өзбекстандық Турдиали Турдибеков (1-1, 1 КО) арасында тартысты жекпе-жек өтті.
instagram/@all.stars.boxing.kz
Жеңіл салмақта өткен бұл жекпе-жек алты раундқа жоспарланған еді. Бірақ Бекмұрзаев екінші раундта қарсыласын ауыр нокаутқа түсіріп, айқын жеңіске жетті.
Бұл жеңіс қазақстандық боксшының кәсіпқой бокстағы бесінші, ал нокаутпен келген төртінші жеңісі болды.
Ал Турдибеков үшін бұл мансабындағы алғашқы жеңіліс.
Бүгінгі кештің хедлайнерлері – қазақстандық Али Ахмедов (23-1, 17 КО) және поляк Мацей Сулецкий (32-3, 12 КО). Олар суперорта салмақтағы WBC Silver чемпиондық белбеуі үшін айқасады.