MMA Азиада бағдарламасына енгізілді
05.03.2025, 12:10
Азия Олимпиадалық кеңесі (OCA) 2026 жылғы Азия ойындарына қатысушы елдерді аралас жекпе-жектің (MMA) ресми түрде жарыс бағдарламасына енгізілгені туралы хабардар етті.
britannica.com
Жапонияның Аичи-Нагоя қалаларында өтетін Азия ойындарында ерлер мен әйелдер арасында MMA бойынша жарыстар төмендегі салмақ дәрежелерінде ұйымдастырылады:
Ерлер:
- Заманауи стиль: 60 кг және 71 кг
- Дәстүрлі стиль: 65 кг және 77 кг
Әйелдер:
- Заманауи стиль: 54 кг
- Дәстүрлі стиль: 60 кг
Бұл шешім MMA-ның Азия құрлығында қарқынды дамып келе жатқанын көрсетеді және спортшыларға халықаралық деңгейде өздерін дәлелдеуге үлкен мүмкіндік береді. 2026 жылғы Азия ойындары аралас жекпе-жек шеберлері үшін тарихи дода болмақ.