Қазақстандық боксшы WBC рейтингінде көш бастады

Орта салмақтағы қазақстандық кәсіпқой боксшы Мейірім Нұрсұлтанов (20-0, 11 КО) өз позициясын жақсартып, рейтингтің бірінші орнына көтерілді. Бұған дейін ол үшінші орында болған. 

Еске салсақ, WBC ұйымы осы салмақтағы қазіргі әлем чемпионы, доминикандық Карлос Адамеске (24-1-1, 18 КО) белбеуін қорғау үшін Нұрсұлтановпен жекпе-жек өткізуге міндеттеген еді.

Жаңартылған рейтингтегі үздік үштік:

1. Мейірім Нұрсұлтанов (Қазақстан)
2. Хамза Шираз (Ұлыбритания, 21-0-1, 17 КО)
3. Крис Юбэнк-кіші (Ұлыбритания, 34-3, 25 КО)

Нұрсұлтановтың соңғы жекпе-жегі қашан өтті?

Айта кетейік, Мейірім Нұрсұлтанов біраз уақыттан бері рингке шыққан жоқ. Оның соңғы жекпе-жегі 2023 жылғы 17 қарашада Ташкентте (Өзбекстан) өтті. Бұл кездесуде ол чилилік Хулио Аламосты (16-3, 9 КО) төрешілердің бірауыздан шығарған шешімімен жеңді.