Бес дүркін Олимпиада чемпионына UFC-ге ауысу үшін 15 млн еуро ұсынылды
Франциялық дзюдошы Тедди Ринерге UFC-мен келісімшартқа отырып, үш жекпе-жек өткізу үшін 15 миллион еуро ұсынылды. Бірақ спортшы бұл ұсынысты қабылдамады.
Тедди Ринер аралас жекпе-жекке (ММА) ауысуға мүлде қызықпайтынын мәлімдеді. Бұл туралы Championat.com жазды.
"Жауабым – жоқ. Егер мен UFC-мен келісімшарт жасасам, менің бүкіл спорттық мұрам жоқ болар еді. Бұл мені қызықтырмайды. ММА – бұл зорлық-зомбылық, себебі жекпе-жектерде қан ағады, сондай сәттер болады, оны балаларымыздың көргенін қаламаймыз."
Соған қарамастан Ринер дзюдошылардың ММА-ға ауысқан кезде артықшылығы бар екенін атап өтті:
"Менің ойымша, дзюдо спортшылары үшін ММА-ға бейімделу әлдеқайда оңай, өйткені бұл спорт түрінде біз көптеген салаларда басымдыққа ие бола аламыз."
Осылайша бес дүркін Олимпиада чемпионы өз мансабын дзюдо шеңберінде жалғастыруды дұрыс деп тапты.