Ризабек Айтмұхан "алтын" үшін күреседі (ВИДЕО)
29.03.2025, 16:52
Қазақстандық еркін күрес шебері Ризабек Айтмұхан Амманда (Иордания) өтіп жатқан Азия чемпионатының финалына жолдама алды.
ҚР Спортты дамыту дирекциясы
97 келі салмақ дәрежесінде күресіп жатқан Айтмұхан жартылай финалда ирандық Мохаммад Мобин Азимимен кездесіп, 2:0 есебімен таза жеңіске жетті. Тартысты өткен белдесуде Ризабек мықты тактикалық шеберлік танытып, финал жолдамасын иеленді.
Финалда Ризабек Айтмұхан Азия чемпионатының басты жүлдесі — алтын медаль үшін күреседі. Ал ирандық Азими үшінші орын үшін белдесуге шығады.
Айта кетейік, Ризабек Айтмұхан — ересектер арасында әлем чемпионы, сондай-ақ U20 және U23 жас санаттарында да әлем біріншілігінің жеңімпазы. Бұған дейін ол ересектер арасындағы Азия чемпионатында екі рет күміс медаль еншілеген.