Сергей Ковалевті жеңген боксшы кезекті қарсыласын нокаутқа жіберді (ВИДЕО)

Редактор Penalty.kz
30.03.2025, 11:28

Канкун қаласында (Мексика) өткен кәсіпқой бокс кешінде швециялық (90,7 кг дейін) Робин Сафар (18-0, 13 KO) америкалық Роберто Силваны (13-4, 7 KO) бесінші раундта техникалық нокаутпен жеңіп шықты.

instagram/@goldenboy

 

Жекпе-жек бірден қызу басталмады. Сафар ұзақ үзілістен кейін шаршы алаңға оралғандықтан, қарсы шабуылға асықпады. Дегенмен, 5-раундта ол Силваны дәл соққылармен састырып, арқанға тақап, ауыр соққымен сұлатып түсірді. Қарсыластың құлауына тек арқан ғана бөгет болды. Осы сәтте рефери айқасты тоқтатты — техникалық нокаут тіркелді. Сафардың шешуші шабуылының видеосын төменнен көруге болады.

Еске сала кетейік, Робин Сафар ресейлік атақты боксшы Сергей Ковалевті 2024 жылдың мамырында жеңіп, көпшілік назарын өзіне аударған. Ол кезде жекпе-жек төрешілердің бірауызды шешімімен аяқталды.