Сәбина Алтынбекова Instagram парақшасының stories бөлімінде үш жасында түсірілген архивтік фотосын жариялады. Көпшілікке беймәлім бұл сурет көрерменге нәзіктік пен жылулық сыйлады.
Кадрда кішкентай Сабина балабақша қабырғасында тұрғаны байқалады. Ол гүлді өрнегі бар көк көйлек пен қызыл түсті шалбар киіп тұр. Басындағы үлкен ақ банты оның сәбилік бейнесін одан сайын әсерлі етіп көрсетеді.
Ал екінші суретте мектеп жасындағы кезін жариялаған. Волейболшы астына "Қатты өзеріппін бе?" деп жазған.
Сәбина Алтынбекова – Қазақстан волейболының жарқын жұлдызы. Ол тек спорттағы жетістіктерімен ғана емес, әлеуметтік желідегі белсенділігімен де танымал.
Спортшы өзінің өміріндегі маңызды сәттерін жиі бөлісіп отырады. Жаттығу барысы, отбасылық сәттер, жеке естеліктер – барлығы Сәбинаның оқырманымен ашық әрі шынайы байланыста екенін көрсетеді.
