Ұлттық құрамадан кеткен ресейлік маман футболда өз деңгейіңді шынайы бағалай білудің маңызын атап өтті.
Ресей мен Қазақстан құрамаларының бұрынғы бас бапкері Станислав Черчесов өз еліндегі футболдың деңгейі туралы пікір білдіріп, өзіндік ұстанымын айтты. Бұл туралы Sports.kz хабарлады.
Черчесов Ресей премьер-лигасының деңгейіне қатысты пікір білдіру кезінде футболда реалистік бағалаудың маңызын атап өтті:
«Біз өз чемпионатымызды және өзіңді құрметтеуің керек. Лига деңгейін асырып та, төмендетіп те қажет емес. Ең бастысы — шынайы әрі әділ бағалау. Қай тұсымыз әлсіз — соны түсінсек, даму болады. Егер өзімізді тым жоғары бағаласақ — бұл да қате. Ал тым төмен бағаласақ — бұл да дұрыс емес. Ешкімге қараудың қажеті жоқ, бастысы — өз бағытыңмен жүру», — деді Черчесов.
Ресейлік маманнан үлкен үміт күтілгенімен, Қазақстан құрамасы оның басшылығымен айтарлықтай жетістікке жете алмады. Команданың ойыны сынға ұшырап, жанкүйерлер арасында наразылық тудырған. Нәтижесінде, бапкермен келісім мерзімінен бұрын тоқтатылды.
