Футболдан Қазақстан Премьер-Лигасының 8-турындағы орталық матчында "Астана" өз алаңында қостанайлық "Тобылдан" ірі есеппен жеңілді,
Ойынның басынан бастап алаң иелері бәсең ойын өрнегін көрсетті. Қорғаныстағы өрескел қателіктердің салдарынан "Тобылдың" шабуылшылары Ахмед Эль-Мессауди мен Николай Сигневич қарсылас қақпасына үш бірдей гол соғып үлгерді. Үш гол да бірінші таймда соғылды.
Екінші таймда да елордалықтар ойын тізгінін қолға ала алмады. Жанкүйерлер күтетін қарымта шабуыл мен ойын тәртібіндегі өзгерістер болған жоқ. "Тобыл" сенімді түрде жеңісті сақтап қалды. Ойын 3:1 есебімен аяқталды.
Бұл жеңістен кейін "Тобылдың" ұпай саны 17-ге жетіп, турнирлік кестеде үшінші орынға көтерілді. Ал "Астана" 18 ұпаймен екінші орынды сақтап қалды.
"Астана" — "Тобыл" (Қостанай) 1:3 (0:3)
Голдар: Эль-Мессауди 8 (0:1), Сигневич 16 (0:2), Сигневич 37 (0:3), Чинеду 86 (1:3)
