Lada көліктері тағы қымбаттайды

2021 жылдан бері Lada Ресейде 72% қымбаттағанына қарамастан, АВТОВАЗ бағаларды тағы өсіретінін мәлімдеді. Компания мұны макроэкономикалық қысыммен және өзіндік құнның артуымен түсіндіреді.

АВТОВАЗ бас директоры Максим Соколов бұл жаңалықты «Транспорт России» форумында айтты. Оның сөзінше, бағаның ұлғаюына бірнеше негізгі фактор әсер етіп отыр:

• импорттың қымбаттауы;
• Қытай автоөндірушілерінің агрессивті демпингі;
• ресми инфляциядан төмен қалған өткен жылдардағы индексация.

Соколовтың айтуынша, соңғы баға индексациясы бір жыл бұрын, қаңтарда болған, әрі ол 2 пайызға да жетпеген.

«Соңғы индексация бір жыл бұрын қаңтарда болды, екі пайызға да жетпеді, бұл ресми инфляция деңгейінен бірнеше есе төмен. Өсімді мұнша ұзақ тежеп тұру мүмкін емес, өйткені импорт қымбаттады», — деп  келтіреді ТАСС АВТОВАЗ басшысының сөзін.

Өндіріс көлемі қысқарады

Компания басшысы Lada-ға сұраныс төмендеп жатқанын мойындады. Сол себепті өндіріс көлемін азайтуға мәжбүр.

• 2024 жылы АВТОВАЗ 459 мың көлік сатқан.
• 2025 жыл қорытындысы – шамамен 370 мың авто (төмендеу: –89 мың).
• Соның 350 мыңы Ресей нарығында өтеді деп жоспарланып отыр.

Қазақстанда аталған көліктерге сұраныс қайта өсе бастады. 

2024 жылдың 10 айындағы көрсеткіштер:

• 750 автомобиль сатылған, оның 745-і — Granta.

2025 жылы (қаңтар–қазан) 2303 көлік сатылған. 

• Granta — 913
• Niva Legend — 639
• Niva Travel — 457
• Vesta — 294