Бірқатар өңірде көктайғақ және тұман күтіледі.
13 қараша күні Қазақстанның басым бөлігінде жаңбыр, қар, көктайғақ және тұман күтіледі. Астана мен 15 өңірде дауыл болуы мүмкін, деп хабарлайды «Қазгидромет».
Жетісу облысында күндіз қатты жаңбыр мен қар жауып, таулы аймақтарда желдің екпіні 15–20 м/с жетеді. Солтүстік пен шығыста тұман күтіледі.
Павлодар облысында да ауа райы нашар болмақ. Солтүстігі мен шығысында қар, боран, көктайғақ және тұман, жел екпіні 20 м/с дейін күшейеді.
Маңғыстау облысының оңтүстігінде түнде және таңертең тұман түседі.
Астана қаласында тұман мен көктайғақ күтіледі, жол қозғалысы қиындауы мүмкін.
Қостанай облысында түнде және таңертең тұман басып, көріну нашарлайды. Қостанай қаласында да таңғы сағаттарда тұман күтіледі.
Ұлытау облысында түнде көктайғақ, ал солтүстік пен шығыста тұман байқалады.
Қызылорда облысының орталығында және Қызылорда қаласында тұман күтіледі.
Алматы облысында күндіз таулы аудандарда қатты жаңбыр мен қар жауып, солтүстік пен оңтүстікте тұман болады.
Абай облысының басым бөлігінде жаңбыр мен қар аралас жауын-шашын, боран мен көктайғақ күтіледі. Семей қаласында қар мен жаңбыр, боран және көктайғақ байқалады, жел екпіні күшейеді.
Шығыс Қазақстан облысында да ауа райы тұрақсыз: жаңбыр, қар, төменгі боран және көктайғақ күтіледі. Өскеменде жауын-шашын мен боран, тұман мен көктайғақ болады.
Атырау облысының батысында түнде және таңертең тұман күтіледі.
Түркістан облысының таулы аймақтарында 13–15 қараша аралығында түнгі және таңертеңгі тұман болады.
Қарағанды облысында солтүстік, оңтүстік және шығыста көктайғақ, батысында тұман күтіледі. Қарағанды қаласында түнде жолдарда мұз қатып, көктайғақ болады.
Солтүстік Қазақстан облысында қарлы боран, ал оңтүстігі мен шығысында тұман болжанып отыр.
Батыс Қазақстан облысында түнде және таңертең тұман күтіледі. Орал қаласында да көріну қашықтығы төмендеп, көлік қозғалысы қиындайды.
Ақмола облысында шығыс пен оңтүстікте қар мен төменгі боран, ал кей жерлерде көктайғақ пен тұман күтіледі.