Баланы неше жаста сүндеттеген дұрыс? Дәрігер жауап берді
Мамандардың айтуынша, ең тиімді кезең – 2-3 жас аралығы екен.
Сүндетке отырғызу: Қай жаста тиімді және күтім қалай болуы керек?
Қазақстандық білікті дәрігер, балалар травматологы Талғат Иманшартов баланы сүндетке отырғызу бойынша маңызды кеңестерімен бөлісті. Бұл туралы Nur.kz хабарлады. Маманның айтуынша, ер балаларды сүндетке отырғызу тек діни тұрғыда емес, медициналық жағынан да қажет.
Қай жаста сүндетке отырғызған дұрыс?
Мамандардың айтуынша, ең тиімді кезең – 2-3 жас аралығы. Себебі бала бұл жастан кейін сүндет процесін есте сақтауы мүмкін. Ал бір жасқа дейінгі баланың терісі икемдірек әрі жазылу уақыты жылдамырақ болады. Сонымен қатар, фимоз сияқты медициналық көрсеткіштер болса, сүндетті ерте жасаған жөн.
Психологиялық дайындық маңызды ма?
Иә, әсіресе 4-5 жастан асқан балалар үшін. Ата-аналар баламен ашық сөйлесіп, қорқыныштан арылуға көмектесуі қажет. Себебі кей жағдайларда балада қорқыныштың салдары психологиялық күйзеліске әкелуі мүмкін.
Қандай әдістер қолданылады?
- Сүндеттеудің бірнеше түрі бар:
- Лазермен
- Скальпельмен (пышақпен)
- Қайшымен
- Жергілікті немесе ингаляциялық наркоз арқылы жасалады.
Процедурадан кейін қандай күтім қажет?
- Киімі кең әрі ыңғайлы болуы тиіс.
- Жараға левомеколь жақпамай жағылады.
- Марганец пен фурацилин ерітіндісімен күніне 2 рет жуылады.
- Бала белсенді қозғалып жүргені жөн.
- Қосымша ауырсынуды басатын дәрі – Ибуфен немесе Ибупрофен қолдануға болады.
Сүндет маусымы мен бағасы
Сүндетке отырғызу көбіне көктем мен жаз айларында жасалады. Бағасы өңір мен дәрігерге байланысты — 20 мың теңгеден жоғары.
Айта кетейік, баланы сүндетке отырғызу – тек дәстүр емес, денсаулыққа пайдалы медициналық процедура. Дәрігер кеңесіне құлақ асып, уақытылы жасалса, балаға да жеңіл, ата-ана да тыныш болады.