Ислам Чесноков еуропалық клубқа ауысуға жақын
Қазақстандық футболшы Ислам Чесноков шотландиялық "Хартс" клубының құрамына қосылуы мүмкін.
25 жастағы жартылай қорғаушы Ислам Чесноков мансабын шетелде жалғастыруға өте жақын. Шотландияның әйгілі "Хартс" клубы қазақстандық ойыншымен алдын ала келісімшарт жасауға жақындап қалды.
Футболшы Костанайлық "Тобылдан" кетіп, Эдинбург қаласындағы командаға ауыспақ. Тараптар арасындағы алғашқы келіссөздер қаңтар айында басталған. Бірақ сол кезде мәміле жүзеге аспады. Енді келісімнің барлық құжаттары алдағы бір ай ішінде рәсімделеді деп жоспарланған.
"Хартс" Чесноковқа ұзақмерзімді келісім ұсынып, басты құрамнан тұрақты орын беруге уәде етуде. Ойыншының "Тобылмен" қазіргі келісімі 31 қазанда аяқталады, содан кейін ресми түрде Шотландия чемпионатына ауысады.
Чесноков соңғы екі маусымда 20 гол соғып, 11 нәтижелі пас берген, сондай-ақ Қазақстан құрамасында 13 матч өткізген.
Футболшыға қызығушылық танытқан клубтардың қатарында Венгрияның "Кишвардасы" мен Түркияның "Касымпашасы" да бар. Алайда "Хартс" трансферге ең жақын тұрған клуб саналады.
"Хартс" жақында Норвегияның "Волеренга" клубынан 25 жастағы қорғаушы Кристиан Борхгревинкті өз қатарына қосудың алдын ала келісімін жасаған. Енді Чесноков пен Борхгревинктің келуі команда құрамындағы оң қапталды айтарлықтай күшейтуі мүмкін.
Айта кетейік, қазір "Тобыл" Премьер-лигада 11 ұпаймен екінші орында тұр. 19 сәуірде өткен соңғы ойында команда "Ақтөбені" 2:0 есебімен жеңді. Ал Чесноков керемет голмен ерекшеленді.