Сәтпаев пен Ямаль әлемдік топ-рейтингте көшбастады
16.05.2025, 21:40
Еуропа лигаларында 17 жасқа дейінгі үздік шабуылшылардың жаңартылған рейтингі жарияланды. Бұл тізімді футбол әлеміндегі беделді Transfermarkt порталы ұсынды. Қазақстандық талант Дастан Сәтпаев үздік үштіктен көрінді.
penalty.kz
Сәтпаев — үздік үштікте!
"Қайрат" шабуылшысы Дастан Сәтпаев 12 матчта 7 гол соғып, рейтингте үшінші орынға тұрақтады. Жас футболшының нәтижелілігі оның болашағы зор екенін дәлелдей түседі.
Рейтинг көшбасында "Барселонаның" жұлдызы
Тізімнің алғашқы орнын "Барселона" клубының 16 жастағы шабуылшысы Ламин Ямаль иеленді. Ол 52 кездесуде 16 гол салып, өз буынындағы ең нәтижелі футболшы атанып отыр.
Екінші орында — эстониялық "Харью" ФК ойыншысы Стивен Кангур. Ол бар болғаны екі матчта жеті гол соғып, сенсациялық нәтиже көрсетті.
Топ-9 үздік шабуылшы (U-17):
- Ламин Ямаль («Барселона») — 16 гол, 52 матч
- Стивен Кангур («Харью») — 7 гол, 2 матч
- Дастан Сәтпаев («Қайрат») — 7 гол, 12 матч
- Хансен («Буде-Глимт») — 7 гол, 4 матч
- Костулас («Олимпиакос») — 7 гол, 34 матч
- Максимович («Црвена Звезда») — 5 гол, 31 матч
- Роотс («Харью») — 4 гол, 1 матч
- Паалберг («Пярну») — 4 гол, 6 матч
- Бонджулич («Нови-Пазар») — 4 гол, 12 матч