"Реал Мадрид" Флориан Вирцті өз қатарына қосуды жоспарлап отыр.
"Байер" 22 жастағы жартылай қорғаушыға 150 миллион еуро көлемінде баға қойған. Леверкузендік команда 100 миллион еуро ұсынған кез келген клубтың ұсынысын бірден кері қайтаруға дайын. Бұл ақпаратты Sky Sport Germany арнасының танымал журналисі Флориан Плеттенберг әлеуметтік желі X (бұрынғы Twitter) арқылы мәлімдеді.
Бірақ мадридтік клуб бұл трансферді тек Родриго командадан кеткен жағдайда жүзеге асырады. Бразилиялық вингердің кетуі туралы қауесеттер бұған дейін де бірнеше рет тараған.
Родригоның сатылуы "Реалға" Вирцті сатып алуға қажетті қаржы мен шабуыл шебін қайта құру мүмкіндігін береді.
Флориан Вирц осы маусымдағы 44 матчта 16 гол соғып, 15 нәтижелі пас берген. Оның тұрақты ойыны мен шабуылдағы тиімділігі көптеген еуропалық грандтардың назарын аударуда.
Айта кету керек, жақында "Реал" "Байердың" бас бапкері Хаби Алонсоны өз қатарына шақырған. Бұл жағдай Вирцтің мадридтік клубқа ауысу ықтималдығын арттырып отыр. Екеуінің бұрыннан қалыптасқан қарым-қатынасы бар.
