"Тоттенхэм" Еуропа Лигасында жеңіске жетелеген бапкерін жұмыссыз қалдырмақ
Лондондық клуб бас бапкер Анге Постекоглумен қош айтысуға бел буды. Бұл жөнінде бельгиялық спорт журналисі Саша Тавольери мәлім етті.
"Тоттенхэм Хотспур" күтпеген шешім жариялайды
Ресми ақпарат алдағы күндері жариялануы тиіс. Қазір клуб жаңа бапкер іздестіріп жатыр. Үміткерлер қатарында "Брентфордтың" тізгінін ұстаған Томас Франк пен "Фулхэмнің" қазіргі бапкері Марку Силва бар.
Еуропа Лигасы тарихи жеңіс
Анге Постекоглу басшылығымен "Тоттенхэм" соңғы 17 жылдағы алғашқы ірі табысқа жетті. Команда УЕФА Еуропа Лигасының жеңімпазы атанды. Бұл жетістік жанкүйерлер үшін шынайы мереке болды.
АПЛ-дағы сәтсіздік — шешуші фактор
Дегенмен бұл жетістік Постекоглуны құтқара алмады. Англия Премьер-лигасындағы нәтиже көңіл көншітпеді: "Тоттенхэм" маусымды 17-орында аяқтап, ұшу аймағынан бір-ақ саты жоғары орналасты. Клуб басшылығы бұл көрсеткішті "қанағаттанарлықсыз" деп танып, түбегейлі өзгерістерге бет бұруды жөн көрген.