Түркістанда барлық футбол клубы жабылуы мүмкін
Түркістан облысының билігі қаржылық дағдарысқа ұшыраған «Тұран» клубын сақтап қалу үшін жасалуы мүмкін.
Аймақтық футбол жүйесі күйрей ме?
Түркістан облысында бірнеше футбол клубының таратылуы мүмкін. Бұл туралы Telegram желісіндегі «Kazakh_football_inside» арнасы жазды. Арна мәліметінше, облыс басшылығы қаржылық қиындыққа ұшыраған «Тұран» клубын сақтап қалу үшін басқа командалардан бас тартуға дайын.
«Тұранды» сақтап қалу үшін басқа клубтар жабылады
Аймақтағы басты клуб – «Тұран» Премьер-лигада өнер көрсетіп жүр. Алайда команда соңғы төрт турда бірде-бір ұпай ала алмай, дағдарысқа ұшырады. Қазір олар 12 турдан кейін 11 ұпаймен 10-орында. Өткен сенбіде клуб өз алаңында «Жеңіс» командасынан 0:2 есебімен жеңілді.
Бұған қоса, БАҚ-та «Тұранның» бас бапкері Виталий Жуковский қызметінен кетіп, бұрынғы клубы «Атырауға» оралады деген ақпараттар тарауда.
Түркістанның басқа клубтары жабылады ма?
Аймақтағы «Тұраннан» бөлек, Бірінші лигада «Түркістан», ал Екінші лигада «Тұран Ж» командалары өнер көрсетіп келеді. Бірақ барлық назарды бір ғана клубқа аудару шешімі қабылданса, бұл командалардың тағдыры белгісіз болып қалмақ.
Футбол сүйер қауым бұл жағдайға алаңдап отыр. Түркістан секілді аймақтан бірнеше команда қатысуы жергілікті таланттардың дамуына оң ықпал ететін еді. Ал басшылықтың тек бір клубқа қаржылық демеу беріп, қалғанын жауып тастауға дайын болуы спорт дамуына кері әсер етуі мүмкін.