2025 жылғы клубтық әлем чемпионатының топтық кезеңіндегі алғашқы турда ағылшынның "Челси" клубы мен АҚШ-тың "Лос-Анджелес" командасы жолықты. Ойын АҚШ-тың Атланта қаласында орналасқан әйгілі "Мерседес-Бенц Стэдиум" аренасында өтті.
Лондондық ұжым бұл кездесуде басымдықты толық өз қолына алды. Матч 2:0 есебімен “Челси” пайдасына аяқталды. Команданың тактикалық үйлесімі мен шабуылдағы белсенділігі қарсыласқа еш мүмкіндік қалдырған жоқ.
Бұл жеңіс “Челси” үшін топтан шығу жолында маңызды қадам болды. Алда болатын ойындарда да команда осы серпінді сақтап қалуға тырысады.
Айта кетсек, бұл — клубтық деңгейдегі ең беделді халықаралық турнирлердің бірі. Онда әр құрлықтың үздік командалары өзара мықтыны анықтайды.
