55 млн еуро мен қысым: Мбаппе мен "ПСЖ" арасындағы текетірес жалғасуда (ВИДЕО)
Килиан Мбаппе "ПСЖ" клубына қарсы екінші рет сотқа жүгінді.
Килиан Мбаппе мен "Пари Сен-Жермен" арасындағы дау жаңа кезеңге өтті. Шабуылшы клубты "қоқан-лоқы жасау" бойынша сотқа берді.
Қысыммен келісімшарт? Негізгі құрамнан шеттетілген Мбаппе
Француз бұқаралық ақпарат құралдарының хабарлауынша, "ПСЖ" былтыр Мбаппені негізгі құрамнан шеттетіп жеке жаттығуларға жіберген. Мұның бәрі – ойыншыны жаңа келісімшартқа отыруға көндіру үшін жасалған қадам ретінде қарастырылуда.
"Клуб ойыншыға қысым көрсетті, спорттық құқықтарын шектеді және кәсіби ортасынан шеттетті. Бұл – футболшының еңбек құқықтарының бұзылуы", – делінген Мбаппе өкілдерінің ресми мәлімдемесінде.
Бұл – Мбаппенің "ПСЖ"-ға қарсы алғашқы шағымы емес. Бұған дейін ол клубтан 55 миллион еуро көлемінде бонустар мен жалақы бойынша төленбеген ақшаларын талап еткен. Ол іс те сотта қаралуда.