Қазақстан келісілген матчар бойынша әлемде 4-орында
Қазақстан футбол федерациясының президенті Марат Омаров ел футболындағы ең өткір проблемалардың бірі — келісілген матчтарға қатысты пікір білдірді.
ҚФФ Қазақстан футболында келісілген матчтар бар екенін ресми мойындады.
"Ермұхамед Мәуленнің айтқан сөздерін естіген жоқпын. Бірақ бір нәрсені нақты айта аламын — маған ешқандай қысым көрсетілмеді. Ал келісілген матчтар мәселесіне келсек, мұндай ойындарды анықтайтын халықаралық “Спорт Радар” ұйымы бар. Сол ұйымның статистикасы бойынша Қазақстан келісілген матчтар саны бойынша әлемде 4-орында тұр. Бұл — ресми дерек. ҚФФ бұл мәселемен белсенді түрде күресіп жатыр. Демек Ермұхамедтің айтқандарында шындық бар", — деді федерация басшысы.
Ермұхамед Мәуленнің мәлімдемесі және оның салдары
Бұған дейін белгілі спорт журналисі Ермұхамед Мәулен, ҚФФ баспасөз хатшысы қызметінен кеткен болатын. Оның сөзінше, футбол саласында ашықтық пен әділдік туралы сөйлегені үшін қысым көрген.
Мәулен отандық футболдағы көлеңкелі істерді ашық айтып, қоғамда қызу талқылау тудырған болатын. Ол келісілген матчтардың бар екенін және бұл мәселеге федерация тарапынан жеткілікті назар аударылмай отырғанын алға тартқан.