Ди Мария футболдан кетіп бара ма?
Аргентиналық футболшы Анхель Ди Мария Еуропадағы кәсіби мансабына нүкте қойып, өзінің туған клубы "Росарио Сентральға" оралады.
Бұл шешім туралы ол әлеуметтік желідегі парақшасында жазба қалдырып, футбол әлемімен ерекше қоштасты.
Ди Мария Еуропада өткізген жылдарын еске ала отырып былай деді:
"Еуропадағы 18 жыл ішінде мен тек әсем қалаларда өмір сүріп қана қоймай, керемет клубтарда тамаша адамдармен жұмыс істеу бақытына ие болдым.
Мен ешқашан алғыс айтудан жалықпаймын — "Бенфика", "Реал Мадрид", "Манчестер Юнайтед", "Пари Сен-Жермен” және "Ювентус” клубтарына. Олар менің ойыншы әрі тұлға ретінде өсуіме көмектесті".
Бұл сөздер — Ди Марияның адалдығы мен футболға деген шынайы сүйіспеншілігінің айғағы.
"Росариоға" оралу — мансаптағы соңғы парақ па?
Ди Марияның өзі өскен клубқа оралуы оның мансаптағы нүктесі емес, керісінше, отанына деген құрметі мен жастарға үлгі болуға ұмтылысы. Бұл шешімді Аргентина жанкүйерлері үлкен қуанышпен қабылдады.
Футбол тарихындағы маңызды есім
Анхель Ди Мария — Олимпиада чемпионы (2008), Америка Кубогының иегері (2021), Әлем чемпионы (2022). Сонымен қатар, ол УЕФА Чемпиондар лигасының жеңімпазы (2014) және ұлттық құрамамен 134 матч өткізіп, 29 гол соққан.