"Ақтөбе" легионерлерге миллиондап төлеп отыр
Австриялық бұрынғы футболшы Томаш Шимкович "Ақтөбе" клубындағы шетелдік ойыншылардың жалақысы туралы шындықты ашты.
Ең жоғары жалақы – 188 миллион теңгеге дейін
Шимкович "Ақтөбе" сапында 2017 жылы өнер көрсеткен болатын. Ол клубтың шетелдік легионерлерді тартудағы басты факторы – жоғары қаржылық жағдай екенін атап өтті. Бұл туралы Livesport.cz сайтына берген сұхбатында мәлімдеді.
Легионерлердің табысы қанша?
Томаштың айтуынша, "Ақтөбедегі" легионерлердің жылдық ең жоғары жалақысы 400 мың долларға (шамамен 188 миллион теңге) жетуі мүмкін. Ал үздік ойыншылар айына 700 мың чех кронына дейін (яғни 17,9 миллион теңге) жалақы алады.
"Қазақстан чемпионатында ойнауға келісім беретін шетелдік футболшылар көбіне ақша үшін келеді. Ақтөбе бұл тұрғыда тартымды клуб", – деді Шимкович.
Айта кетейік, "Ақтөбе" Еуропа Конференция лигасының іріктеу кезеңінде чехиялық "Спартамен" кездеседі.
Бірінші матч 24 шілде күні Ақтөбеде өтеді.