Лука Модрич "Реалға" оралатын болды
39 жастағы Лука Модрич футбол мансабынан кейін "Реал Мадридке" бапкер ретінде оралуды жоспарлап отыр. Бұл туралы испандық Defensa Central басылымы хабарлады.
Переспен кездесуден кейінгі шешім
Танымал жартылай қорғаушы жақында "Реал" президенті Флорентино Переспен жеке кездесу өткізген. Сол кезде Модрич футболдан кетсе де, "Реалмен" байланысын үзгісі келмейтінін жеткізген. Ол өз болашағын бапкерлікпен байланыстырып, мадридтік клубтың академиясында жұмыс істеуге ниетті екенін білдірген.
Флорентино Перес те бұл ұсынысты жылы қабылдап, Лукаға "Кастилья" немесе академия жүйесінде орын болатынына кепілдік берген. Ол Модричтің Зинедин Зидан, Рауль және Хаби Алонсо секілді аңыздар жолымен жүре алатынын айтты.
"Бұл қоштасу емес, бұл — "көріскенше"
Модрич биыл жазда "Реалдан" кеткен кезде:
"Бұл қоштасу емес, бұл — "көріскенше" ғана", — деп жанкүйерлермен жылы қоштасқан.
Оның бұл сөзі енді жаңа мәнге ие болып отыр.
"Реал" — Модричтің үйі
Хорватиялық футболшы "Реалда" 2012 жылдан 2025 жылға дейін өнер көрсетіп, клуб тарихындағы ең табысты легионерлердің бірі атанды. Ол:
- Чемпиондар лигасын – 5 рет,
- Ла Лиганы – 3 рет,
- FIFA жылдың үздік ойыншысы атағын – 1 рет жеңіп алды.