“Сити” жұлдызы “Эвертонға” жалға кетті
Белгілі трансфер инсайдері Фабрицио Романо хабарлағандай, “Манчестер Сити” мен “Эвертон” Джек Грилишті 2025/26 маусымына жалға беру туралы келісімге келді.
The Guardian дерегіне сүйенсек, келісім маусымдық жалға беруді қамтиды және шартта сатып алу опциясықарастырылған. Дегенмен, £50 миллиондық баға “Эвертон” үшін тым жоғары болуы мүмкін.
Sky Sports та келісімнің жасалғанын мәлімдеп, бірақ ресми растаудың әлі шықпағанын атап өтті.
29 жастағы Грилиш өткен маусымда премьер-лигада бар болғаны жеті матчты негізгі құрамда бастады. Ол тіпті Клубтық әлем чемпионатының тізіміне енбей қалды.
Ағылшындық жартылай қорғаушының апталық жалақысы £300 000 шамасында. Келісім бойынша, бұл жалақының бір бөлігін “Эвертон” төлейді. The Sun дерегінше, Грилиш алдағы күндері медициналық тексеруден өтіп, келісім жақын арада ресми түрде жарияланады.