"Қайрат" жанкүйерлеріне қуанышты жаңалық жарияланды

Алматыда өтетін Чемпиондар лигасының плей-офф кезеңіндегі «Қайрат» – «Селтик» матчы алдында жанкүйерлер үшін жақсы жаңалық жарияланды.

Қосымша билеттер сатылымға шығады

25 тамыз күні сағат 13:00-де жанкүйерлерге арналып қосымша шамамен 1000 билет сатылымға шығарылады. Бұл билеттер УЕФА-ның резервінен босап, клубқа қайтарылған орындар есебінен қолжетімді болып отыр.

Билеттерді қайдан сатып алуға болады?

Жанкүйерлер билеттерді:

• Qairat SuperApp мобильді қосымшасынан,
• ФК «Қайрат» ресми сайтынан,
• Ticketon платформасынан сатып ала алады.

Әр жанкүйерге тек бір билеттен ғана беріледі. 

“УЕФА-ның резервтен қайтарылған билеттердің есебінен клубқа шамамен 1000 орын қайтарылды. Енді оларды сатып алуға болады”, – делінген хабарламада.