Қазақстан – Уэльс матчын онлайн қайдан көруге болады?
4 қыркүйекте Астанада Қазақстан құрамасы 2026 жылғы әлем чемпионатының іріктеу кезеңінде Уэльспен шешуші матч өткізеді.
4 қыркүйек күні Астанадағы «Астана Аренада» Қазақстан ұлттық құрамасы 2026 жылғы әлем чемпионатының іріктеу кезеңіндегі шешуші матчтардың бірін өткізеді. Қарсылас – көктемде сырт алаңда 1:3 есебімен жеңген Уэльс құрамасы.
Бұл кездесуге жанкүйерлердің қызығушылығы ерекше жоғары болды. Матчқа арналған билеттер толық сатылып кетті. Бағалар солтүстік және оңтүстік трибуналарда 2 500 теңгеден, шығыс секторларында 4 000 теңгеге дейін жеткен.
Турнирлік жағдай
Үш турдан кейін Қазақстан құрамасы J тобында 3 ұпаймен 4-орында тұр. Алдағы матчта жеңіске жету команда үшін шешуші маңызға ие.
Қайдан көруге болады?
Ойынның басталуы — 19:00 (Астана уақыты).
Кездесуді қазақстандық жанкүйерлер Qazsport арнасынан тікелей эфирде тамашалай алады.