«Зенит» Нұралы Әліпті атқа отырғызды
Санкт-Петербургтің «Зенит» клубы Қазақстан құрамасының қорғаушысы Нұралы Әліпті тарихи жетістігімен құттықтады.
100-ші ойынға арналған ерекше сыйлық
10-турдағы РПЛ ойынында «Оренбургке» қарсы матч (есеп – 5:2) қазақстандық футболшы үшін «Зенит» сапындағы 100-ші кездесуі болды.
Клуб әріптестері оған тосынсый әзірлеп, әлеуметтік желіге бейнеролик жүктеді. Онда Әліптің эмоциясы мен командаластарымен әңгімесі көрсетілген:
— «Братишка! Менде 100 матч екен. Неге ескертпедіңдер?»
— «Нурик, біз арнайы сурет дайындадық, қазір көрсетеміз».
— «Рахмет, бауырымдар!»
Суретте Нұралы ат үстінде бейнеленіп, үстінен оның «Зенит» сапындағы ойындарының саны жарқырап тұр.
Әліптің жетістігі
Қорғаушы 2023 жылы «Қайраттан» «Зенитке» ауысқан болатын. Өткен маусымда ол 29 матчқа қатысып, бір гол соғып, бір нәтижелі пас берген еді.