Чемпиондар лигасындағы «Қайрат» пен «Реалдың» кездесуіне билеттерін онлайн сатып алған жанкүйерлер ақыры құжаттарын қолына алды.
Көптен күткен тикеттер ойын басталардан бірнеше сағат бұрын иелерінің электронды поштасына жеткізілді. Әрбір билет QR-кодпен жабдықталған.
Ұйымдастырушылар билет алғандарға ескерту жасады:
«Құжатты үшінші тұлғаларға жолдауға болмайды. QR-кодты алаяқтар өзгертсе, билеттің күші жойылып, ойынды тамашалау мүмкіндігінен айырылып қаласыз».
Футбол мерекесін асыға күткен жанкүйерлер үшін бұл ескерту аса маңызды. Себебі «Реалды» көру мүмкіндігі – бірегей тарихи сәт. Билет иелеріне оны қорғау және тек жеке пайдалану қажеттілігі тағы бір мәрте қатаң ескертілді.