2027 жылғы U-21 Еуропа чемпионатына іріктеу кезеңінде Қазақстан жастар құрамасы өз алаңында Молдова командасымен кездесті.
Қазақстан алғашқы минуттардан-ақ ширақ ойынымен көзге түсті. 6-минутта Рамазан Бағдат қарсылас қорғанысын қателікке ұрындырып, есеп ашты. Бұдан кейін алаң иелері бірнеше қауіпті шабуыл ұйымдастырғанымен нәтижені еселей алмады.
Екінші таймда Молдова белсенділігін арттырып, қарымта шабуылдар жасап отырды. Матч соңына қарай Қазақстан қорғанысы қысымға төтеп бере алмады. Нәтижесінде 90-минутта Николае Ротару пенальтиден гол соғып, таразы басын теңестірді.
Осы нәтижеден кейін Қазақстан U-21 құрамасы 4 ұпай жинап, D тобында төртінші орынға орналасты.
Келесі матчта, яғни 27 наурызда Қазақстан Словакияны қабылдайды.