Ресей ұлттық құрамасының және Мәскеудің «Динамо» клубының бас бапкері Валерий Карпин команданы тастап кететінін мәлімдеді.
Карпин жанкүйерлеріне жолдаған хабарламасында былай деді:
«Құрметті жанкүйерлер, бүгін мен „Динамо“ клубындағы жұмысымды аяқтап, назарымды тек Ресей ұлттық құрамасына аударуға шешім қабылдадым. Бұл – ақылға қонымды, жан-жақты ойластырылған қадам.
Клуб басшылығына, ойыншыларға, қызметкерлерге және жанкүйерлерге алғыс айтамын. Бұл кезең мен үшін маңызды болды, және күн сайын сезінген қолдау мен сенім үшін ризамын.
„Динамоның“ алға жылжуына және жоғары нәтижелерге жетуіне барлық мүмкіндік бар. Командаға тек сәттілік тілеймін.
Қазір менің басты міндетім – ұлттық құраманың нәтижесін жақсарту, жекелеген матчтарға және команданың халықаралық сахнаға қайта оралуына мұқият дайындалу. Алда бізді үлкен жұмыс күтіп тұр».
Айта кетейік, «Динамо» сапында Қазақстан ұлттық құрамасының жартылай қорғаушысы Бақтиер Зайнутдинов ойнайды. Ол биыл «Бешікташтан» ауысып келген. Бұған дейін Зайнутдинов Карпинмен «Ростов» клубында бірге жұмыс істеген.
