2025 жылғы маусым қорытындысында “KFF League Awards” жүлдегерлері анықталды. Ең басты жеке марапат – маусымның ең құнды ойыншысы (MVP) атағын алматылық «Қайраттың» 17 жастағы шабуылшысы Дастан Сәтпаев иеленді.
Әлеуметтік желілерде лауреаттар тізімі жарияланды. Ең көп талқыланған номинациялар төмендегідей:
Дастан Сәтпаев – ҚПЛ-2025 маусымының MVP ойыншысы
Алматылық клубтың жас форварды чемпионаттағы барлық 26 матчқа қатысып, 14 гол соғып, 6 нәтижелі пас берді. Бұл екі көрсеткіш бойынша да Сәтпаев үздік үштікке енді. Сонымен қатар “Маусымның үздік жас ойыншысы” номинациясын да жеңіп алды.
Назми Грипши – үздік сұрмерген
Бомбардирлік бәйгеде «Астана» сапындағы 28 жастағы албаниялық жартылай қорғаушы Назми Грипши ерекшеленді. Ол маусымда 16 гол соғып, ең нәтижелі ойыншы атанды.
Дәурен Жұмат – “Жыл серпілісі” номинациясының жеңімпазы
Көкшетаулық «Оқжетпес» жартылай қорғаушысы Дәурен Жұмат “Жыл серпілісі” атағын алды. 26 жастағы футболшы 26 ойында 12 гол соғып, 2 ассист жасады. Соның арқасында Қазақстан құрамасында дебют өткізді.
Темірлан Анарбеков – маусымының үздік қақпашысы
Үздік қақпашы жүлдесі Темірлан Анарбековке бұйырды. Маусымның алғашқы бөлігінде «Қайраттың» негізгі голкипері Александр Заруцкий болғанымен тамыз айында жарақат алып, саптан шықты. Осыдан кейін қақпада 22 жастағы Анарбеков тұрақты ойын тәжірибесін жинап, өз мүмкіндігін толық пайдаланды.
Анарбековтың ҚПЛ-2025 көрсеткіші:
Маусымның үздік жаттықтырушысы атағы 47 жастағы қазақстандық маман Рафаэль Оразбахтинге берілді. Ол «Қайратты» қатарынан екінші рет чемпиондыққа жеткізіп, командасының тұрақты нәтижесін бекіте түсті.
Сыйлық қорытындысында алаңдағы позициялар бойынша да үздіктер анықталды. Айта кетерлігі – үш номинацияның үшеуінде де Қазақстан құрамасының футболшылары жеңіске жетті: