Қазіргі таңда "Қайрат" пен "Ордабасы" сапында бірқатар жыл өнер көрсеткен Исламхан еркін агент.
Қазақстан құрамасының бұрынғы капитаны Бауыржан Исламханның "Ақтөбе" клубына ауысуы мүмкін екені белгілі болды, деп хабарлайды "Серый CARDINAL" телеграм-арнасы.
"Кенесовтен бөлек, „Ақтөбе“ сапын Исламхан да толықтыруы мүмкін. Бауыржан Исламхан жарақатынан толық айығып, жаңа белестерді бағындыруға дайын. Ал Арман Кенесов бұған дейін „Ақтөбе“ құрамында ойнаған және 2024 жылғы маусымда қызыл-ақтардың Қазақстан Кубогын жеңіп алып, чемпионатта қола жүлде иеленуіне үлес қосқан негізгі ойыншылардың бірі болды", — деп жазады дереккөз.
Еске сала кетейік, 2025 жылғы маусымда Исламхан "Тұран" мен "Астана" клубтарының құрамында тіркелгенімен, жарақаттардың салдарынан ресми матчтардың бірде-бір минутына қатысқан жоқ.
Бауыржан Исламхан – Қазақстанның танымал футболшыларының бірі, жартылай қорғаушы. Ол өзінің кәсіби карьерасын 2011 жылы туған қаласының клубы – "Тараз" командасында бастаған. Кейіннен "Астана", "Қайрат", "Ордабасы", "Тұран", Ресейдің "Кубань" және Біріккен Араб Әмірліктерінің "Аль-Айн" клубтарында ойнаған.
Оқи отырыңыз: