Жұлдызды португалиялық футболшы Луиш Нани бүгін, 23 қаңтарда Алматыға ұшып келеді. Ол "Ақтөбемен" Қазақстан Премьер-Лигасындағы рекордтық жалақыға келісімшартқа жақын.
"Жұлдызды португалиялық футболшы Луиш Нанидің Қазақстанға келетін күні белгілі болды", – деп хабарлайды Серый CARDINAL телеграм-арнасы.
Дереккөз мәліметінше, Нани бүгін, 23 қаңтарда Алматыға ұшып келуі керек. Бұған дейін Чемпиондар лигасының жеңімпазы әрі "Манчестер Юнайтед" құрамында Англияның төрт дүркін чемпионы "Ақтөбе" клубымен келісімшарт жасауға жақын екені айтылған. Нани Қазақстан Премьер-Лигасындағы рекордтық жалақымен келісімге қол қоюы мүмкін.
Айта кетейік, Нани 2024 жылы ойыншы ретіндегі мансабын аяқтағанын мәлімдеген. Оның соңғы клубы – "Эштрела". Одан кейін 2025 жылы Ресейдің Медиалигасында "Альфа-Банка" командасы үшін бір матч өткізді.
Өткен маусымда Қазақстан Премьер-Лигасында "Ақтөбе" бесінші орын алды. Жуырда клубтың иесі кәсіпкер Нұрлан Артықбаев болды, Forbes дерегінше, оның байлығы 228 миллион долларды құрайды.
Оқи отырыңыз: