Әзірге 60 миллион еуро тұратын шабуылшыны сатып алуға "Ливерпуль" жақынырақ.
"Ливерпуль", "Арсенал" және "Манчестер Сити" клубтары "Ньюкаслдың" қапталдағы шабуылшысы Энтони Гордонға қызығушылық танытып отыр. Алайда қазіргі таңда 24 жастағы вингер үшін күресте мерсисайдтық клуб алда келеді. Бұл туралы Caught Offside хабарлайды.
Дереккөз мәліметінше, "сауысқандар" Гордонды сатуға ниетті емес және шамамен £85–95 млн (€97,7–109,2 млн) көлемінде ұсыныс түспейінше, келіссөз бастамайды.
Гордон "Ньюкасл" сапына 2023 жылдың қаңтарында қосылған. Биылғы маусымда ол барлық турнирде 34 матчқа қатысып, 10 гол соғып, 5 нәтижелі пас берді. Transfermarkt порталының мәліметіне сәйкес, футболшының нарықтық құны — €60 млн.