Литоштың хет-тригі "Шахтерге" Бірінші лигада ірі жеңіс әкелді
Футболдан Қазақстан Бірінші лигасының 15-турында Қарағандының "Шахтеры" өз алаңында "Арысты" 4:1 есебімен жеңді.
"Шахтер" бірінші таймда есепті теңестірді
"Арыс" ойынның алғашқы минуттарынан шабуылға көшіп, 9-минутта есеп ашты. Бекзат Мансұровтың әуелете берген добын қабылдаған қонақтар ойыншысы баспен дәл соққы жасады.
Алаң иелері 20 минуттан кейін жауап голын соқты. Стандартты жағдайдан кейін Рифат Нұрмағамет баспен таблодағы есепті 1:1-ге жеткізді.
Бірінші тайм осы есеппен аяқталды.
"Арыс" азшылықта қалды
Үзілістен кейін қонақтардың жағдайы қиындай түсті. 51-минутта Қажықұман Қуатбекұлы екінші сары қағазын алып, алаңнан қуылды.
Бір ойыншы артық болған "Шахтер" шабуылдарын күшейтіп, қарсылас қақпасына қысымды арттырды.
Қарағандылық команда сан басымдығын 77-минутта пайдаланды. Ұзаққа созылған шабуылдан кейін Артем Литош айып алаңының ішінен қатты соққы жасап, командасын алға шығарды.
Арада сегіз минут өткенде шабуылшы тағы да мергендік танытып, дубль авторы атанды. Кездесудің 90-минутында Литош хет-трик рәсімдеді.
"Шахтер" екінші орында тұр
Бұл жеңістен кейін қарағандылық клуб 40 ұпай жинап, Қазақстан Бірінші лигасының турнир кестесінде екінші орынға жайғасты.
Ал 10 ұпайы бар "Арыс" 12-сатыда қалып отыр.