"Реал" 19 жастағы футболшы үшін 100+ миллион еуроға шығындалды
Мадридтік "Реал" "РБ Лейпциг" клубында ойнайтын 19 жастағы вингер Ян Диомандені қатарына қосты.
Мадридтік "Реал" жазғы трансферлік нарықтағы ең қымбат мәмілелердің бірін аяқтауға жақын. Корольдік клуб "РБ Лейпциг" Ян Диомандені өз қатарына қосқалы жатыр.
Трансфер құны 100 миллион еуродан асады
Фабрицио Романоның хабарлауынша, мадридтік клуб 19 жастағы футболшы үшін 100 миллион еуродан астам қаржы төлейді.
Бұл сома Диомандені соңғы жылдардағы ең қымбат жас ойыншылардың қатарына қосады.
Ақпаратқа сәйкес, Ян Диоманде келесі аптада Мадридке аттанады. Ол Испания астанасында медициналық тексерістен өтеді. Содан кейін футболшы "Реалмен" келісімшартқа қол қояды. Келісім мерзімі 2031 жылдың маусым айына дейін есептелген.
"Лейпцигтегі" алғашқы маусымы нәтижелі болды
Диоманде "РБ Лейпциг" сапында 2025 жылдың жазынан бері өнер көрсетіп келеді.
Бундеслигадағы дебюттік маусымында жас вингер өзін жоғары деңгейде көрсетті. Оның еншісінде 12 гол және 8 нәтижелі пас бар.