Рафаэль Варан 31 жасында мансабын аяқтады
25.09.2024, 15:24
Француз қорғаушысы бұл туралы өзінің әлеуметтік желідегі парақшасында мәлімдеді.
news.sportbox.ru
Франция құрамасы және "Реал" клубының бұрынғы қорғаушысы Рафаэль Варан ресми түрде спорттық ғұмырын аяқтады. Атақты ойыншы небәрі 31 жасында бутсиын "шегеге" ілді.
Айта кетейік, Варанның соңғы клубы Италияның «Комо» клубы болды. Аталған команда сапына футболшы еркін агент ретінде қосылған еді. Алайда алғашқы матчта ауыр жарақат алып, қатардан шығып қалды. Осылайша бір маусымда небәрі 23 минут қана ойнады.