Жарыстың аталған сатысында биыл алғаш рет 36 команда сынға түседі.
25 қыркүйек күні футболдан Еуропа лигасы жалпы кезеңінің бірінші тур матчтары өтеді. 36 клуб плей-офф сатысына берілетін 24 жолдаманы сарапқа салады.
Бірінші турдың алғашқы ойын күнінде «Будё-Глимт» (Норвегия) мен «Порту» (Португалия), «АЗ Алкмаар» (Нидерланд) мен «Эльфсборг» (Швеция), «Ницца» (Франция) мен «Реал Сосьедад» (Испания), «Андерлехт» (Бельгия) пен «Ференцварош» (Венгрия), «Мидтьюллан» (Дания) мен «Хоффенхайм» (Германия), «Динамо Киев» (Украина) пен «Лацио» (Италия), «Галатасарай» (Түркия) мен ПАОК (Грекия), «Лудогорец» (Болгария) пен «Славия Прага» (Чехия), «Манчестер Юнайтед» (Англия) пен «Твенте» (Нидерланд) командалары ойнайды.
Ал, екінші ойын күні 26 қыркүйекте өтеді.
Айта кетейік, жалпы кезең ойындары 2025 жылдың 30 қаңтарына дейін жалғасады.
