"Барселона" Томас Партиге қызығушылық танытуда
Каталондық "Барселона" клубы "Арсеналдың" ганалық жартылай қорғаушысы Томас Партейді осы маусымның соңында қатарына қосуды жоспарлап отыр.
"Барселона" Партиді неге таңдады?
Relevo ақпараты бойынша, "Барселона" қаржылық қиындықтарды бастан өткеруде, сондықтан клуб еркін агенттер нарығын мұқият бақылауда ұстап отыр. Томас Партидің "Арсеналмен" келісімшарты келесі жазда аяқталатындықтан, каталондықтар үшін тиімді нұсқа ретінде қарастырылуда.
Сонымен қатар, Партейдің Ла Лигадағы тәжірибесі де маңызды рөл атқарады. Ол 2012 жылдан бастап "Атлетико Мадридтің" жүйесінде болып, 2020 жылы Англия Премьер-Лигасына ауысқанға дейін Испанияда ойнаған.
Қаңтарда келісімге келуі мүмкін
31 жастағы Гана құрамасының ойыншысы Партиге "Барселона" қаңтар айынан бастап келіссөздер жүргізіп, алдын ала келісімшартқа қол қою мүмкіндігіне ие. Бұл мүмкіндікті каталондықтар қолынан жібермеуге тырысуда.
Осы маусымда Томас Партей "Арсеналдың" Премьер-Лига мен Чемпиондар Лигасындағы барлық тоғыз матчында негізгі құрамда ойнап, бір гол соқты. Ол голды "Астон Виллаға" қарсы матчта енгізген.