Мохамед Салах АПЛ-де Серхио Агуэроның рекордын жаңартты
"Ливерпуль" командасының вингері Мохамед Салах "Челсиға" қарсы өткен АПЛ матчы кезінде гол соғып, ассист жасады.
32 жастағы мысырлық футболшы кездесудің 29-шы минутында пенальтиді сәтті орындап, есеп ашты. 51-ші минутта шабуылшы Кертис Джонсқа голдық пас беріп, матчтың соңғы есебін белгіледі және "Манчестер Сити" командасының бұрынғы шабуылшысы Серхио Агуэроның жетістігінен асып түсті.
Енді Салахтың "Ливерпуль" құрамында АПЛ-дегі жалпы 232 нәтижелі әрекеті бар — 160 гол және 72 ассист. Салах бір клуб сапында Англия чемпионатында "гол+пас" жүйесі бойынша ең көп ұпай жинаған ойыншылар тізімінде алтыншы орынға көтерілді. Агуэроның еншісінде 231 ұпай болған.
Салахтың келесі мақсаты — Фрэнк Лэмпард (237 ұпай). Бірінші орында Уэйн Руни — "гол+пас" жүйесі бойынша 276 ұпай.
Ағымдағы маусымда мысырлық футболшы АПЛ-дың сегіз матчында бес гол соғып, бес ассист жасаған.