Ямаль Мессидің он жыл бұрынғы жетістігін қайталады

Ямаль Испания чемпионатының алғашқы 10 турында қазірдің өзінде алты ассист жасап үлгерді – бұл «Барселона» ойыншылары арасында 2014/2015 маусымындағы Лионель Мессиден бері болмаған көрсеткіш. Сол кезде Месси алғашқы 10 ойында жеті нәтижелі пас берген еді.

«Барселона» академиясының түлегі Ламин Ямаль негізгі командада 2023 жылдың сәуір айында, 15 жас 9 айында дебют жасады. 2023 жылдың қыркүйегінде, 16 жас 1 айында футболшы Испания құрамасында дебют жасап, ұлттық құраманың ең жас ойыншысы атанды.

Футбол-аналитикалық портал Transfermarkt «Барселонаның» 17 жастағы шабуылшы жартылай қорғаушысы Ламин Ямальдың ағымдағы трансферлік құнын 25 миллион еуро деп бағалайды.