Ұпайлар тең болса, ҚПЛ чемпионы қалай анықталады? «Алтын матч» өте ме?

Қазақстан Премьер-Лигасында командалар тең ұпай жинаған жағдайда чемпионды қалай анықтайды? «Серый CARDINAL» телеграм-арнасы ақпараты бойынша ел біріншілігнде «алтын матч» өткізу қарастырылмаған. Чемпионды анықтау үшін командалардың өзара кездесулері мен голдар айырмашылығы есепке алынады.

«Теориялық тұрғыда екі, тіпті үш команда бірдей ұпай жинауы мүмкін (мысалы, 46 ұпайдан). Кейбір жанкүйерлер "алтын матч" бола ма деп сұрап жатыр. Бірақ регламентте мұндай матч туралы ештеңе айтылмаған, сондықтан 99,99 пайыздық ықтималдықпен қосымша ойын болмайды. Чемпионды анықтауда шешуші рөлді қосымша көрсеткіштер – өзара кездесулер мен голдар айырмашылығы ойнайды», – деп жазады арна авторы.